تدوينة مختلفة

لا اعرف لماذا أكتب الآن أو ماذا يسمى ما أكتب ...خاطرة..ام ومضة أو حتى لا شيء...
بل أنا لا أريد ان اعرف ماذا أكتب...

أكتب في جو مليء بالتناقضات..


مابين لوحات أسطورية نقش عليها بحروف مضيئة كلمات هادئة رزينة ...لكاتبة غزلت من روحها سطور خطت على ورق...


" غادة السمان " تلك الزهرة الدمشقية الجميلة التي اكتشفتها مؤخرا...إن ماتكتبه غادة لهو شرف لتلك الأوراق..فكم من اكاذيب وكلمات جوفاء تكتب على تلك الاوراق التي كانت أشجارا حية فاختارت الموت تحت يدي كتاب لا هم له إلا بيع ما يكتبون ولكنها تقدس القلم والورقة ...


لقد اثارت شغف روحي ...احسست بكلماتها تنساب صافية من روحها إلى عقلي..ومع كل هذا الجمال الأفلاطوني تدق على يميني طبول غوغائية همجية تتراقص عليها اكوام من بشر لا يربطهم بالبشرية إلا لحم ودم...


لتعلن عن اقتراب عقارب الساعة معلنة انقضاء الآجال ... ومازلت تتلوي..تلك الأفاعي بلا كلل أو ملل .. وكأنها اشباح ماتت من أزمان غبرة ولا يهمها هذا الزمن..


وفي عقلي اجد صورة واحدة...

إنها هي بلا شك...ملهمتي ومبخرة عشقي ...تلك السمراء النابضة ...التي اختارها عقلي وقلبي.. فاترك نفسي لها فتنساب كالسلسبيل بين ضلوعي..وابتسم في راحة لمجرد مراها في مخيلتي..

وبين الطبول وغادة السمان .. وملهمتي...تنحدر دمعة ساخنة ...

نعم أدمع...ليس من الحزن بل من الشوق...

ادمع ليس امام أحد .. بل امام نفسي...

انتحر دموعي بفرحة ...كطفل ولد لتوه ..

هل أكون قد وجدت ضالتي..

هل أكون على الطريق ...

يكفيني..هذة الدمعة..إنها دليلي ...

واشكركما...

دول المنبع ... والمصب ....واسرائيل ...الصراع من البداية إلى النهاية

مساء الخير...واضح إن الناس في الحكومة المصرية ماسمعوش أغنية شيرين " مشربتش من نيلها " 

عشان الجماعة اخواننا في اثيوبيا وأوغندا هيموتوا ويشربوا من نيلها ....لدرجة إنهم عمله اتفاقية
من غير مصر والسودان عشان يقسموا المية مبنهم وكلهم يشربوا من نيلها واحنا نشرب من البحر ...

محدش يعرف بالضبط المشكلة فين كله بيتكلم
...بس حد هييجي يقولي وإنت يعني اللي
فاهم اللىلة ماشية إزاي يا طالب يا
فاشل....ممم,
آه أنا عارف؟؟
عشان أنا عندي مصادر فظيعة.... أيوه فظيعة طب تعالوا احكيلكم الحكاية من الاول ونشوف..


الاول كانت مصر الدولة الاقوى في أفريقيا حتى وهي تحت الإحتلال الإنجليزي وقعت أكترمن اتفاقية
مع دول المنبع اللي هي اثيوبيا وكينيا و أوغندة وبروندي وتنزانيا بتقول إن مصر والسودان ليهم حصة
حوالي 85-87 في المية من ميت النيل طب ليه كل ده؟


عشان أيام الإتفاقية د سنة 1929وسنة 1902 كانت الدول دي فقيرة- ولا زالت - ومتقدرش تبني
سدود زي مصر عشان تحجز ميتها بجانب إن هي عدد سكانها مش محتاج كل كمية المية اللي
عندها فـمصر كانت بتأخذ فايض المية ليها وللسودان وكنا سمن على عسل ...مفيش مشكلة


بدأت المشكلة بعد حرب أكتوبر لما اسرائيل حست إن مش هينفع تسيطر على المية بتاعت النيل
والمية بتاعت نهر الأردن مش مكفية فبدأت اسرائيل تخش من تحت من عند المنبع من عند اثيوبيا
اللي فيها يهود كتير ...وبدأت تنخور ورا مصر وساعتها الرئيس السادات لما حس على طول قال
لاثيوبيا لو أي سدود هتتبني تأثر على حصة مصر مصر هتضربها واحنا لسة طالعين من حرب يعني
طيارتنا لسة سخنة ...ودة كان سنة 1979 ومات الرئيس السادات .

 

ورجعت اسرائيل تلعب بديلها عن طريق إنها خلت
الدول د تعترض كذا مرة على حصة مصر
والسودان..وفي التسعينات بدأت الدول تعترض
تاني بس بما إن مصر عندها رئيس رائع معملش
حاجة في الموضوع وقال دول دول حقيرة كل
شوية بينهم حرب مش هيكونوا فايقين لمصر والكلام الفاضي ده... تخيلوا الدول اللي بتحارب بعض
اتفقوا أنهم يبدأوا يبنوا سدود مع بعض واحنا نايمين في العسل وفعلا اتبنى لحد دلوقتي حوالي 25
سد اخرهم السد اللي اتفتح من كام يوم


طب والناس دي جابه الفلوس منين دول بيشحتوا لقمتهم...اللي حصل إن اسرائيل عملت لوبي
دولي من ورا2 مصر باسم الدول المانحة و أعطت مساعدات مالية للدول دي عشان تبني السدود
بجانب إنها قامت ببناء سدود كاملة..(( آخر احصائية عن الأمم المتحدة بتقول إن أكتر دول خدت
مساعدة مع إنهم ليسوا الأفقرعلى مستوى العالم هم تنزانيا واثيوبيا وبروندي ومصر واسرائيل طب
مصر واسرائيل مفهومة لكن دول ليه ؟


دا معناه إن المؤامرة كاملة طب والدول دي مصلحتها إيه تساعد اسرائيل ضد مصر الدول دي هي
الصين وامريكا وايران وقطر والكويت والبحرين تخيلوا لما الناس دي تتحالف مع بعضها يبقى في كنز
هناك تحت ...في أفريقيا واحنا زي النعام دافنين راسنا في التراب


الكنز هو الأرض ولا الميآه هي المية مهمة ليه ؟؟؟
أكيد عشان الزراعة الحاجة الاستراتيجية اللي لو حد سيطر عليها وكفا نفسه محدش يقدر يمسكوا
من إيده اللي بتوجعو...الدول دي قامت بتمويل في آخر 10 سنين سدود بقيمة 800 مليار دولار
فاهمين 800 مليار.. يعني ليه زيطة مثلا؟؟ فلوس في الهوا لأ!!!


دول اخذوا بدالها حق استغلال مساحات مهولة من الأراضي وراء السدود تزرعها لنفسها وتاخد منها
الدول بتاعت السدود الي يكفيها والباقي يروح ببلاش للدول المانحة حتى العمالة من الدول دي
يعني هيزرعولهم الارض ببلاش ويدوهم المحصول يعني اسرائيل مساحتها كام ألف كيلومتر واخدة
أراضيها مثل مساحتها فاضية تزرعها وتصدر ويجيلها فلوس وتصدر لمين للدول اللي مصر بتصدرلها


ودة معناه إن الدول دي برده بقت خلاص دول صديقة لاسرائيل والصين وايران وكل الدول المنحة
على حساب مصر وبكدة اسرائيل تسيطر اقتصادية علي الدول اللي في جنوب البحر الأحمر اللي
آخره مصر هـآه...نقول كمان



يعني إيه مية وسد ؟؟؟؟

يعني كهرباء يعني خطوط كهرباء ممتدة من هناك تصدر كهرباء لحد اسرائيل
عشان تكون من تحت كهرباء ومن فوق غاز ومش بعيد ندلهم جاتوه بعد كده
أحمدك يا رب عشان منقولش حرمناهم من أي حاجة بالعكس واكلين شربين نايمين ببلاش


كل ده يا حرام عشان شوية 55.5 مليار متر مكعب مصر واخدهم...ياعيني صحيح
طب والسودان بيعملوا فيها كده ليه ؟؟؟




لأ السودان بقى دي ليلة تانية معاهم معاهم عليهم عليهم ...صحيح الاتفاقية ضدها برده بس كده
كده حصتها صغيرة هتتأثر في4 مليارولا حاجة واصلا بقى السودان داخلة في الليلة دي بس انما
اإيه في السررررر يعني إيه؟

يعني السودان هي كمان بتبني سدود جديدة
وقامت ببناء وتعلية عدد كبير ومصر ترفض
وتشجب وتدين وكل د عشان السودان عايزة
تحجز حصتها كاملة طب وايه المشكلة ؟؟


المشكلة إن مصر آخر الخط بتاع كينيا البحر الابيض يعني احنا بناخد اللي بيفيض عنهم صحيح هو
كتير بس اسمه اللي بيفيض يعني لما السودان تحجز حصتها كاملة وتيجي كينيا تتخانق مع مصر
..هيقولو لنا أمكم في العيش ولا طارت ..مفيش مية ....دول بتوعنا احنا.... ده غير إن عشان
كمان السودان معندهاش هي كمان فلوس كان بيجي لمصر أكتر من 55.5 مليار دول وكل
الدراسة بتقول إن أصلا55 مش هايكفوا مصر إلا لحد 2017 وبعدها مصر عايزة 77 مليار نعمل إيه
بقى ..
؟؟


الحرب ...الحرب..الحرب
فعلا الرئيس السادات كان هيضرب اثيوبيا ..بس دلوقتي احنا دولة سيس ...صحيح أنا فرحت عشان
كنت باقرأ في الوشنطن بوست إن احتمالات الحرب في صالح مصر وان الكونجرس كان بيناقش
احتمالات إن مصر تحاول تاخد الحق بالدراع وكانت بتقول والله كل دولة تحافظ على مصلحتها
بالشكل اللي هي شايفآه


وعرفت إن أسطول مصر البحري أكبر 3 مرات من الاسرائيلى والاول في افريقيا والشرق الأوسط و
السلاح الجوي تاني أقوى واحد بعد اسرائيل واقوى من التركي مثلا


ده غير قوات "السيل" اللي هي أقوى قوة خاصة في الشرق الأوسط وتالت أقوى قوة في العالم
فدي حاجة ريحتني بس بعدين ...هل احنا نستحمل حرب زي دي ومنعرفش من هيتلائم علينا
ويلبسنا في الحيطة خصوصا إن مصر أكتر حاجة فيها دلوقتي الناس اللي بتقول ونكتشف إن اللوائح
عكس كلامهم يعني بطيخ


طب ووايه الحل التاني
الحل هو الحل اللي بيحاولوا يضحكوا علينا بيه ومصر هتاخد حقها وبتاع .. اللي هوا التحكيم الدولي....وبينيمه الناس ويقولوا زي قضية طابا مع اسرائيل …اللي الناس متعرفهوش إن المحكمة
الدولية د مش زي محكمة شمال القاهرة المحكمة مش بيترفع فيها قضايا دي محكمة الناس
بترحلها برضاها يعني اسرائيل وافقت علي التحكيم عشان هم كانوا فاكرين إن مستنداتهم
مظبوطة لكن في حالة دول المنبع والمصب هم أساسا مش هيوافقواعشان هم أصلا مالهمش
حق ليه بقى ؟؟؟؟؟؟

القصة اللي الناس لازم تكون عارفاها إن الدول
اللي احنا زعلانين منهم دول بينزل عليهم مطر
كل سنة اضعاف حصة مصر متخيلين مطر من
عند ربنا وعندهم بحيرات كتير يقدروا يجمعه
فيها المية دي ودة عشان دي دول استوائية أصلا
ودة معناه إنهم هيعملوا ري من السما اللي
هو سبب المشكلة أُمال هم قفشين ليه


يبقى هم مش فارق معاهم المية هم فارق معاهم المية تيجي من النيل عشان يحصل مشاكل
مبيناعشان يكسبوا من الدول التانية ومنح وقروض واكلوفلوس وصداقة ….ودة كله بسبب الغباء
المصري اللي رمى أهم بعد استراتيجي للدوله اللي هو الجنوب وطبعا لينا عبرة من اللي بيحصل
في جنوب السودان....مصر بقت على هامش كل الحاجات اللي في أفريقيا

عايزين تعرفوا يعني ايه أفريقيا شوفوا 

قطر...شوفوا السودان...شوفوا ليبيا ..لكن احنا 

شكلنا أكلنا البلوظة كلعادة 

…

حاجة بقت تقرف …بس أنا باردو هاقترح نفس الإقتراح بتاع صناديق الحق المصري ده عشان يعرفوا 

يضحكواعلينا كويس ..عشان احنا هييجي يوم وهنعرف قيمة

كل حاجة ضيعناها بسبب تخاذلنا ده...ومن النهارده نبدأ نرتب نفسنا على طابور مصري أصيل جديد 

زي طابور العيش والجمعية وطابور الهايكستب …الآن طابور المية المعدنية …وسلملي علي البلوظة …

والسلام ختام

تعليقي على مباراة مصر والجزائر

مصر عايزة ايه ؟

شفنا الماتش ....هيسنا في الشوارع ...القهاوي كسبت
المحلات كسبت ... بتوع الاعلام كسبوا...وبتوع الكبدة كسبوا
طب عايزين ايه؟...اااااه عايزين حقنا !!!!
مممممم....
ماشي من الآخر كده: ماتش ومش هيتعاد فيفي مش هتعملنا حاجة

طيارتنا مش هتضرب الجزائر
ومش هنجوع السودان ((((مقفولة خلاص)))...بس السيد علاء مبارك بصراحة النخوة كانت واخدة منه حتة وبيقول وبيعيد
الحل؟


1- فيديو ظريف لرئيس الجزائر وهووا بيسلم الريس صندوق متشاماع مكتوب عليه حق مصر رقم 1-1, 2-1

2- وزير الاعلام المصري فيالتلفزيون بيأكد إن حق مصر هيرجع ودة خط أحمر لا مساس له

3- الاباتشي المصرية بتحووم فوق وزارة الخارجية المصرية ودة برده فيديو وبتنزل صناديق حق مصر

4- متحف مفتوح في الحديقة الدولية مع حراسة مشددة عشان الجمهور والشعب يعرف إن فعلا الحق المصري رجع لصحابه وسلم عليهم وشيش معاهم عالقهوة كمان

5- نصحى اصبح نرجع حبايب احنا والجزائر عشان عرفه غلطهم وراجعلنا حقإنا

بس كده الموضوع حلو وفي سبوبة ظريفة برده !!!

تذكرة مشاهدة حق مصر بـ 2 جنيه وهو برده الحكومة تكسب
يلا يا جماعة نرجع حق مصر

****قوتنا المصرية على مشرف تل ابيب وتقوم بدك قوة العدو بالكنتلة أي واللهِ بالكنتلا والحدق يفهم*****

اكتفينا
سلام

يا حبيبتي يا مصر يا 

مصر

Updated about 6 months ago ·  katabt elkalam da men 6 shohoor ba3d elmatch wdelwa2ty wala 7atta hane3raf n3mel keda ...7aga te2ref shokran ya sayyd gamal mobarak 3ala r3aytak lelryada almasreyya...ya rab 3al moftary :D

ولما مات كتبوا على تربته ...كان في كلب أكل عظمة ولما مات كتبوا على تربته

الحمد لله ياجماعة .... انتصرنا ...الفيفا هتدفع مصر 100.000 فرانك ودي عملا محدش بيستخدمها خلاص وهينقلوا ماتشين بره ملعبنا الاساسي ...ياه ياما انت كريم يا رب...فعلا خدنا حقنا من الجزائريين.......الله يخرب بيتك يا زاهر 6 شهور بينيم في شعب كامل ...الفيفا هتجيب حقنا  الفيفا هتنيل...وفي الآخر احنا اللي اتعاقبنا وبيقول إن ده انتصار 

..أُمّال كنت عايز يحصل فينا ايه؟ يشطبنا بره الاتحاد الدولي

حاجة مش طبيعية احنا نشتكي واحنا نتعاقب

المهم إن رورواه الراجل بتاع الجزائر ولا راضي  بصلح مع مصر ولا راضي حتى يسلم علينا ...


وبقى شكلنا وحش قوي...مش فاهم ليه من الاول ماقالش إن احنا مالناش حق وان كل اللي هيحصل إننا هيتعاقب ...




بدل ما 6 شهور والمصريين مستنيين إن الجزائر تطلع بره  

كاس العالم وهخش بدالهم لأ لأ دول هايتحرموا  من التصفيات

ولا أي حاجة حصلت ...واحنا كالعادة أكلنا 

البلوظة بنحبها قوي البلوظة دى .. ناكل ومابنشبعش من أيام صفر المونديال ولا اتعلمنا حاجة

المغرب بتعمل ملف كاس عالم جديد وقطر والبحرين ومين هينظم الاولمبياد واحنا لسة

 هو ماتش الزمالك والحرس هيتعاد ولا لأ...كاتها نيلة اللي عايزة خلف أو سيد حتى ...

نفسي أشوف قبل ماموت مسئول شجاع يقول أنا كنت غلطان وعشان كده أنا هامشي عشان دي سمعة بلد بقت في الأرض عالأقل فالمجال ده ...

لكن ده عشم ابليس في الجنة ....

ربنا يتولانا ويقولوا احنا عايزين رمز ولا عايزين مرشح محترم ....لأ

احنا عايزين نبي ...واحتمال كبير نكفر بيه 

لسلام ختام

عم سيد إنت فين ارجوك

عم سيد .... عم سيد مات.... لأ لأ عم سيد لسة عايش ...

عم سيد باع الكشك..ولا عم سيد مراته ماتت ومن ساعتها مختفي..

انهارده شوفت عم سيد...زي ماهووا ..حتى شكله مكبرش...الناس اللي سنهم صغير بعد كتير تحس إنهم كبروا لكن هو زي عبد الوارث عسر كده هو هو...أصل عم سيد ده يعني زمان ..يعني أيام تفريط الكوكو الضعيف قبل منروح كتكوت ...

آه أصل القاعدة ماكانتش تحلى غير بسيجارة كوكو مع كوباية شاي من مسعد...عم سيد ده يعني أول تزويغة من المدرسة..يعني تروح وتحس بالذنب وإنت بتجيب شمعدان وخايف حد يشوفك الساعة إتنين الضهر بس يشوفك فين دا انت عند مدرسة عباس العقاد يعني مركز شباب الطلبة المزوغين ...

عم سيد

يعني أول سنة كلية يعني مقابلة الساعة 8 اصبح مع حسام ومصطفى عشان نروح

 الجامعة ....عم سيد يعني تبقى نفسك تشتري بيبسي الجو حر وتفتكر إن انهارده الجمعة وعم سيد قافل

el-kiosk عم سيد يعني الكشك المصر الأصلي مش ...

دلوقتي دخل القهوة..ولا رئيس الجمهورية كله واقف وبيسلم وبيقولوا إزيك يا عم سيد 


كلالناس بتحبه ...وكل الناس عارفة

كان كشك ولا كل الأكشاك

جت فترة كنت بحاسب من عنده على كل حاجة بزيادة الله أعلم ليه عندي كام الراجل 

ده...كان بيكون عارف إننا مش هندفع بس كان بيفوت بقى...

ياااه أيام عم سيد كام مرة الواحد جاله خبر حلو من تليفون عم سيد وكم مصيبة جاتله برده بس كل الذكريات كانت حلوة من عند عم سيد...


يعني أهو الواحد بيفتكر أيام والوقت بيعدي...بيطوي صفحة ورا التانية كل كلام عم سيد ده كان من 9 سنين ...كتير قوي ..يلا بقى 

فينك يا عم سيد

ابراهيم عيسي ...مقتل الرجل الكبير...شوية نقد.

لسة مخلص رواية ...مقتل الرجل الكبير لإبراهيم عيسي...مممم....مش عارف ....أنا كنت أحد محبين ابراهيم عيسي ....ومازلت..بس في حاجة ناقصة...الاسقاط ميبقاش اسقاط لما تبقى الحالة نفس الحالة...والنقد يتحول لشتيمة لو ماكانش موضوع والشوربة متبقاش شوربة غير لو مع ماجي....صح ولا ايه؟

الشخصيات-

لا يوجد اسماء تقريبا إلا بعد الشخصية القليلة مثل ريتا ويوسف ..., مما يدفع القارئ لتخيل الشخصية حسب طريقة رسمها بمعنى شخصية الرجل ذا المعدة  الممتلئة من السرقة, ذو التاريخ  الاسكاني..الذي لا يهتم بالكمال حتى وان كان اسمه ...فانة بما لا شك فيه هو كمال الشاذلي وهذا كمثال ...


إذًا ...فان الكتب يريد توجيه القارئ  إلى جهة بـعينها, وبالتالي فان الرواية تفقد جزء كبير من قيمتها الأدبية وتتحول إلى هجاء محكوم في حاكم..وايضا فان كثرة الشخصية دون وجود روابط قوية بينها..تجعل القارئ في حالة من التوهان في الرواية فلا يعرف من يتكلم إلا عندما يرجع بالصفحات إلى الوراء ليعرف الشخصية..

الحبكة الروائية-

 لمقتل الغامض لرئيس الجمهورية وعمليات انتقال السلطة والبحث عن القتلة ...مع العديد والعديد من محاولات الاسقاط  على الاحداث الجارية ...من وجهة نظري الحبكة في الاساس جيدة ..لكن محاولات التفسير والاسقاطات الواضحة. اثرت على الترابط الروائي في النص ...فأصبحت رواية مترهلة....من السهل استنتاج الاحداث بسبب المعرفة المسبقة بالشخصية...إنها كقرائة رواية بعد مشاهدة الفيلم الخاص بهـا .

- من المميزات الجيدة هي أن الرواية رصد صريح لحالة اللا مبالاة الموجودة فالشعب بجانب الصراع السياسي المبتذل بين الحزب الوطني الغير شرعي والمعارضة المترهلة 

- معظم الاحداث التي من المفترض ان تكون واقعية بالنسبة للقارئ كانت ضعيفة حيث انها في الاغلب استنتاجات شخصية للكاتب بعضها مبالغ فيه يغلب عليها الغضب ومحاولة تكسير العظام...وهوا ماكان غريبا من كاتب بحجم ابراهيم عيسي .

الاسلوب الروائي-

- الأسلوب بلاغيا سيء للغاية وبه الكثير من محاولات التقليد لكتاب المدارس الجديدة  مثل د.علاء الأسواني ...ولكن بطريقة جاءت ضعيفة فلا كانت الجرأة قوية في استخدام الالفاظ على لسان الشخصية ولم يكون أسلوب راقي يستطيع منه القارئ فهم التشبيهات السيئة حتى بدون الحاجة إلى الفاظ بذيئة لتأكيد الواقعية...

- كان هناك احساس ان جميع الشخصية قد نشأوا في نفس الاماكن حيث يتكلمون بنفس الأسلوب فالغفير زي الوزير  وهو ما اعطى احساس بعدم المنطقية واستكمال لحالات التوهان الموجودة من بداية الرواية. 

لست ناقدا بالأساس فقد أكون مخطئا ولكن هذا هو انطباعي عن طريقة الرواية والتقرأوها ونختلف أو نتفق فالنهاية إنها تستحق الوقت الذي تقرا فيه


اعتذر ايضا عن أي اخطاء في هذا النقد الذي هو فالاساس مجرد رأي بسيط لا يقلل من شان كاتب الرواية 

مخطوطات القلب الميت

الايمان محله القلب ...

ليس الايمان بالمعني الديني ما اقصد...

بل ايمان بالمعني المطلق ..

ايمان بالله ...بالمبادئ ...

الايمان بالاستطاعة ...الايمان بالاشخاص حولك..

فان لم يكون الايمان محله القلب فلا ايمان ...

ويصبح القلب كالقصر المنيف..الخاوي

تسكنه المخاوف والقلق والشياطين..

--------------------------------------------------------------------

لماذا لا نؤمن ..

إن الايمان هو الطموح الروحي ...فبلا طموح...

تصبح جثة أخرى ...تتخذ مكانها بين الجثث المتراصة في علب السردين الاسمنتية

قال لي صديق ..لقد ضاع طموحي وسط مشاغل العمل والحياه..

لا يا صديقي...الطموح لا يضيع..

إنه اما موجود أو غير موجود...

لقد اسأت فقط تعريف طموحك...إنه ليس المنصب أو السيارة ..

إنه كما قالت لي ...قيمتك المضافة للحياة...

كلام معقد...

----------------------------------------------------------------------

استلقي على الفراش ...تخيل لحظة الاحتضار..الموت

في غرفتك المظلمة إلا من ضوء روحك الصافية

استرجع كل ماحدث في حياتك...

كل الاشخاص الذين تعاملت معه وعرفتهم..

تذكر كل الكلمات التي احتبست داخلك ولم تستطيع قولها...

فلتبكي..وانت تعلم ان النهاية قد دنت...

وعندها..قم(منقول)

-----------------------------------------------------------------

كل ما اردت فعله أو قوله في تلك اللحظات ..هو طموحك..

إن طموحك هو ماسوف تحزن عليه في تلك الدقائق القليلة ان لم تفعله ...قبل انتهاء حياتك..

إنه ليس السيارة ...أو فتاه احلامك

تحلي بالايمان...بالله ..بالقدرة على الفعل ...

تذكر اننا دائما اننا نستطيع ...ولكننا ننسي ذلك...

مخطوطات القلب الميت

ماهو الحب..؟

إنه ذلك الشعور الذي يصيب صاحبه بالخدر , إنه الكلمة التي تعجز بعدها الكلمات .

إنه اختزال مشاعر القوةو الرضا ,الارادة والتحدي,كل المشاعر الانسانية ;في شعور واحد مطلق .

إنه قوة لم يستطع إنسان في العالم ان يسيطر عليها .

إنه تداخل الزمان والمكان,إنه نظرية النسبية لاينشتاين

حين يصل الجسم إلى السكون من فرط الحركة ,حين يتوقف الزمان عند لحظة بل ويعيد نفسه مرة أخرى.

إنه العامل الحفاز الذي يجعل انحناء قوانين الكون رد فعل طبيعي لافعالنا.

أيام وشهور..لا يهم

تفنى الكلمات وتضمحل اللغات .

يطل الجسد كالفكرة النيرة المسبلة بالغموض,هل تلامس الأجساد هو مايغني عن الكلام ام هو تلامس الشفاه.

إنه ليس هذا أو ذاك ..

إن الجسدهو الوسيلة هو النافذة التي نطل منها على الروح الصافية السابحة في سديمها الكوني داخلنا.

فعندما تتلامس الأجساد وتذوب الشفاه فما يحدث هو تبادل للارواح الصافية.

تبادل يجعلنا نعلم اننا نحاول الوصول إلى الأسمى,إلى ما اعمق من الكلمة ..إلى مابين سطور التراكيب اللغوية.

إنه نزع أغلال الحياة ..

إنه تمرد التروس على الماكينة..

إنه انتزاع الحياة من فم الحياة...

الشهوة والحب

لا إنها ليست الشهوة ..

لقد قال المتبحرون ان الشهوة هي علاقة بين نوعين,دليل على الذكورة والأنوثة …

إنها انتقاء عشوائي كما في نظرية داروين .

لكن الحب,إنه انتقاء الفرد للفرد

إنتقاء شخصي مبني على مسئولية الاختيار.

كل فرد يختار يصبح مسئولا عن اختياره امام نفسه قبل الأخرين, إنه اجتماع فردين على اختيار الجسد كوسيلة للوصول إلى الروح الصافية المتوحدة

فالحب به شهوة,ولكنها ليست شهوة الجسد ,بل شهوة العقول للمعرفة

لكن الشهوة فهي حب الجسد... حب النوع..انحدار في الذة لنسيان الحقيقة

أما من يقول أنه لا يختار فهذا هو اختياره الذي سوف يحاسب عليه ويبقى مسئولا عنه

, نحن نحب بإختيارنا …

فما الحب إلا عملية توظيف تقوم بيها شركة الانسان المتحدة

عن طريق القلب ((رئيس قسم الموارد البشرية)), لإختيار الموظف الصالح للمنصب.

ويالها من عملية انتقاء صعبة ...يعرض عليه مئات الطامحين في المنصب

وهو وحده يختار فائزا واحد.

فإذا كان الإختيار صحيحا ...ارتفعت اسهم الشركة إلى عنان السماء

أو..تفلس وتكون جسدا بلا حياة ..

إنها رحلة ابدية للمعرفة تبدأ من داخلك وتنتهي بداخله أيضًا ..

فاما ان تصبح ذلك الترس فالماكينة ...

أو تصبح السراج المنير في الطريق...

فلنعلم من نحب...من نعطي القوة..

من نعطي مفاتيح عقل اينشتاين ...

وحكمة ارسطو ..

فلنعلم كيف نحب..

ولنعلم أنه ما من حب زائف …

ولكن العقول تبلى وتصدأ...